ქვემო ქართლში სახელმწიფო რწმუნებული, გიორგი დოხტურიშვილი საქართველოს გაერთიანებული წყალმომარაგების კომპანიის დირექტორს ალექსანდრე თევდორაძეს შეხვდა. სამუშაო შეხვედრას, რომელიც სახელმწიფო რწმუნებულის ადმინისტრაციაში გაიმართა ბოლნისის, დმანისის, თეთრიწყაროს, გარდაბნის, წალკის და მარნეულის მუნიციპალიტეტის მერები დაესწრნენ. შეხვედრაზე რეგიონის თითოეული მუნიციპალიტეტში არსებულ გამოწვევებსა და საჭიროებებზე, სამომავლოდ მათი გადაჭრის გზებსა და საშუალებებზე ისაუბრეს. სამუშაო შეხვედრის ფარგლებში ისაუბრეს ბოლნისის მუნიციპალიტეტში წამოჭრილი წყალმომარაგების პრობლემის აღმოფხვრის მიზნით უკვე დაგეგმილ სხვადასხვა სახის ინფრასტრუქტურული სამუშაოებზე.
“მნიშვნელოვანია, რეგიონში მიმდინარე საკითხებზე დროული რეაგირება მოვახდინოთ. პრიორიტეტულია ბოლნისის
მუნიციპალიტეტში წყალმომარაგების სისტემების რეაბილიტაციის პროექტირება – მშენებლობის საკითხი.
მიმდინარე წყალმომარაგების გაუმჯობესების მიზნით ბოლნისის მუნიციპალიტეტისთვის, პრემიერ-მინისტრის ინიციატივით დაწყებული “მშენებლობა განვადებით” სახელმწიფო პროგრამის ფარგლებში, გაერთიანებული წყალმომარაგების კომპანია უახლოეს დღეებში გამოაცხადებს ტენდერს ბოლნისის, დაბა კაზრეთის, სოფლების- ბალიჭის, ქვეშის, ძეძვნარიანის წყლის სისტემების მშენებლობა-რეაბილიტაციაზე, რომლისთვისაც სახელმწიფო ბიუჯეტიდან 30 მილიონ ლარზე მეტია გამოყოფლი.
ამ დროისთვის პროექტის ტექნიკური დავალება უკვე მომზადებულია. ბოლნისის წყლის სისტემის მიმდინარე და აღნიშნულ სოფლებში დაგეგმილი პროექტის განხორციელება, სრულად აღმოფხვრის პრობლემას და მოსახლეობას 24 საათიანი წყლის მიწოდებით უზრუნველყოფს.
პროექტი სრულად მოიცავს წყალმომარაგების ქსელის მოწყობას, მრავალბინიანი საცხოვრებელი კორპუსების გამრიცხველიანებას, მაგისტრალური მილის, არსებული რეზერვუარებისა და სატუმბი სადგურის რეაბილიტაციას.
შეხვედრის ფარგლებში საქართველოს გაერთიანებული წყალმომარაგების კომპანიის დირექტორთან, ალექსანდრე თევდორაძესთან ერთად, ასევე განვიხილეთ სოციალური შემწეობის მიმღები შრომისუნარიანი პირების დასაქმების პროგრამა, რომლის მიზანი სოციალურად დაუცველი შრომისუნარიანი პირების საზოგადოებრივ სამუშაოებზე დასაქმების ხელშეწყობაა“-გიორგი დოხტურიშვილი. სამუშაო შეხვედრას ასევე ესწრებოდნენ: ქვემო ქართლში სახელმწიფო რწმუნებულის მოადგილე, ილია ჯალაღანია, რეგიონული პროექტების კოორდინირების სამსახურის უფროსი, ვახტანგ ბუცხრიკიძე, საქართველოს გაერთიანებული წყალმომარაგების კომპანიის დირექტრის მოადგილეები, ირაკლი ნაფეტვარიძე და აკაკი მშვიდობაძე.
0