გენერალური შტაბის უფროსი „ღირსეული პარტნიორის“ მიმდინარეობას გაეცნო

Доступно только по Грузински For the sake of viewer convenience, the content is shown below in the alternative language. You may click the link to switch the active language.

საქართველოს შეიარაღებული ძალების გენერალური შტაბის უფროსი მრავალეროვნული სწავლების „ღირსეული პარტნიორი 2017“ მიმდინარეობას ადგილზე გაეცნო. გენერალ-მაიორ ვლადიმერ ჩაჩიბაიას ვაზიანში სწავლების ხელმძღვანელებმა ქართული და ამერიკული მხრიდან, პოლკოვნიკებმა შავლეგო ტაბატაძემ და პატრიკ ელისმა უმასპინძლეს.
სასწავლო არეალის მონახულებამდე, გენერალური შტაბის უფროსი „ღირსეული პარტნიორი 2017“-ის სამეთაურო პუნქტში იმყოფებოდა, შემდეგ კი, სწავლების პროცესის შესახებ ბრიფინგი მოისმინა.
დღესვე, ვაზიანის მე-11 საწვრთნელი პოლიგონის დათვალიერებისას, სწავლების ხელმძღვანელმა შავლეგო ტაბატაძემ გენერალური შტაბის უფროსს სახმელეთო ჯარების აღმოსავლეთ სარდლობის მედალიონი უსახსოვრა.