გარდაბნის მუნიციპალიტეტმა, საახალწლო ღონისძიებას, „ახალი წლის დღეებს” უმასპინძლა

Доступно только по Грузински For the sake of viewer convenience, the content is shown below in the alternative language. You may click the link to switch the active language.

გარდაბნის მუნიციპალიტეტმა მთავრობის ადმინისტრაციის ორგანიზებით დაგეგმილ საახალწლო ღონისძიებას, „ახალი წლის დღეებს” უმასპინძლა. ქალაქის მთავარ ნაძვის ხესთან, მოეწყო საშობაო ბაზრობა, სადაც ადგილობრივი ნაწარმის, ხელნაკეთი ნივთების გამოფენა-გაყიდვა ასევე, სანტას, ელფების და კოსტიუმირებული გმირების მსვლელობა გაიმართა.
ღონისძიების პატარა სტუმრებს საახალწლო ნაძვის ხეების, გირჩების, მისალოცი ბარათების დამზადებისა და ორცხობილების მოხატვის საშუალება ჰქონდათ. დღის ბოლოს გაიმართა სადღესასწაულო კონცერტი რომელშიც მონაწილეობას ნინი ბადურაშვილი, ქრისტინე იმედაძე, თაკო გაჩეჩილაძე და ბენდი „მიქსტურა“ იღებდნენ. საღამო საზეიმო ფოიერვერკით დასრულდა.