აშშ-ის სახელმწიფო მდივნის თანაშემწე საოკუპაციო ხაზთან იმყოფებოდა

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

აშშ-ის სახელმწიფო მდივნის თანაშემწე ევროპისა და ევრაზიის საკითხებში ვეს მიტჩელი, საგარეო საქმეთა მინისტრ მიხეილ ჯანელიძესთან ერთად, ახალგორის რაიონის სოფ. ოძისში, საოკუპაციო ხაზთან იმყოფებოდა. სუს-ის საინფორმაციო-ანალიტიკური დეპარტამენტის წარმომადგენლებმა ვეს მიტჩელს ინფორმაცია მიაწოდეს ყველა იმ გამოწვევასა და საფრთხეების შესახებ, რომელიც ოკუპირებული ცხინვალის რეგიონიდან მომდინარეობს. სახელმწიფო უსაფრთხოების სამსახურის წარმომადგენლები აშშ-ის სახელმწიფო მდივნის თანაშემწეს ესაუბრნენ იმ პრობლემებზე, რომელიც ადგილობრივ მოსახლეობას ყოველდღიურად მავთულხლართებით, ღობეებით და სხვა ხელოვნური ბარიერებით ექმნება. აშშ-ის სახელმწიფო მდივნის თანაშემწე ევროპისა და ევრაზიის საკითხებში საქართველოში ოფიციალური ვიზიტით იმყოფება. ვეს მიტჩელი ნატო-საქართველოს სახალხო დიპლომატიის ფორუმზე სიტყვით გამოვიდა, შეხვდა საქართველოს პრემიერ-მინისტრს, პრეზიდენტს და პარლამენტის თავმჯდომარეს. აშშ-ს სახელმწიფო მდივნის თანაშემწემ სხვა მაღალი დონის შეხვედრებიც გამართა.