ამ ეტაპზე ცენტრალური სადგურის აღდგენა-განახლების პროცესი ხორციელდება

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

ჭიათურა-ზედა რგანის (ე.წ მშიდობის საბაგირო) და ჭიათურა-პერევისის (ე.წ 25-ის საბაგირო) მიმართულებით სამგზავრო საბაგიროს რეაბილიტაციის პროცესი აქტიურ რეჟიმში მიმდინარეობს. ჭიათურის მუნიციპალიტეტის მერმა გივი მოდებაძემ და ტრანსპორტის სამსახურის უფროსმა ზურაბ ცარციძემ საინიციატივო ჯგუფის -“ერთად ჭიათურისთვის” წევრებთან ერთად საბაგიროების სამშენებლო სამუშაოები დაათვალიერეს,სადაც მშენებლობა სრული დატვირთვით მიმდინარეობს. ე.წ მშვიდობის საბაგირო გზაზე სამშენებლო პროცესი დასასრულს უახლოვდება. დასრულებული სამგზავრო ვაგონების მონტაჟი სატესტო რეჟიმში მუშაობს. ამ ეტაპზე ცენტრალური სადგურის აღდგენა-განახლების პროცესი ხორციელდება, პარალელურ რეჟიმში პერევისის მიმართულებით დაწყებულია შუა საყრდენი კონსტრუქციების მოწყობა. ჭიათურის მერმა საინიციატივო ჯგუფის წევრებს სამგზავრო საბაგიროების სამშენებლო პროცესი კონტრაქტორი კომპანიის წარმომადგენლებმთან ერთად გააცნო. დეტალურად ისაუბრეს პროექტის მიხედვით ჩატარებულ და სამომავლოდ განსახორცილებელ სამუშაოებზე. საბაგირო გზის როგორც ცენტრალური, ასევე პერევისისა და ზედა რგანის დასახლებებში არსებული სადგურები ავთენტურობას შეინარჩუნებს. განახლდება ტექნიკური ნაწილი, გონდოლები, მანქანა დანადგარები და ბაგირები. პროექტი ცენტრალური ბიუჯეტის დაფინანსებით ხორციელდება და მისი ღირებულება 4 600 000 ლარს შეადგენს.